ހޮލީވުޑްގެ މަޝްހޫރު ތަރި އަދި ސުޕަރ މޮޑެލް، ޕެރިސް ހިލްޓަން ބ.އަތޮޅުގައި އޮންނަ އަމިއްލަފުށި ރިސޯޓުގައި ޗުއްޓީ ހޭދަކުރަމުން އެބަގެންދެއެވެ.
އުމުރުން 36 އަހަރުގެ މި ބަތަލާ އަމިއްލަފުށްޓަށް އައިސްފައިވަނީ އިއްޔެގެ ވަގުތެއްގައެވެ.
އަމިއްލަފުށީގައި ޗުއްޓީ ހޭދަކުރަމުންދާއިރު އޭނާވަނީ އެރިސޯޓުގެ އެކިއެކި މަންޒަރުތަކުގެ އިތުރުން ރާއްޖޭގެ ގުދުރަތީ ރީތިކަން ދައްކުވައިދޭ މަންޒަރުތަކެއްވެސް އިންސްޓަގްރާމްގައި ޝާއިއުކޮށްފައެވެ. އަދި ރާއްޖޭގެ ރީތިކަމަށް ތާރީފުކުރަމުން ލިޔެފައިވަނީ ރާއްޖެއަކީ ހިމޭން ކަމާއި ހިތްފަސޭހަ ކަމުގެ ދެވަނައެއް ނެތް މަންޒިލެއްގެ ގޮތުގައެވެ.
ޕެރިސް ހިލްޓަން ގެ 35 ވަނަ އުފަންދުވަސް ފާހަގަ ކުރުމަށް މިދިޔަ އަހަރުވެސް އޭނާ ވަނީ ރާއްޖެ އައިސްފައެވެ.
