ދަތުރު ނާމާގެ ޕްރޮޖެކްޓަށް މައުލޫމާތު ހޯދުމާއި އެހެން ސްކޫލެއްގެ ދަރިވަރުންނާއެކު ތަޖުރިބާ ހިއްސާކުރުމުގެ ދަތުރެއްގައި ހަނިމާދޫ ސްކޫލްގެ ގްރޭޑް 12 ގެ ދަރިވަރުން ކޮޅެއް ބ.އަތޮޅަށް އަތުވެއްޖެއެވެ.
ހަނިމާދޫ ސުކޫލްގެ ޕްރިންސިޕަލް އަބްދުލް މުހުސިން ލަތީފް ، މިދަތުރާބެހޭ މައުލޫމާތު ދެމުން ވިދާޅުވި ގޮތުގައި މިމަހުގެ 28 ން 30 އަށް ކުރިއަށްދާ މި ތަޖުރިބާ ދަތުރުގައި ހަނިމާދޫ ސްކޫލްގެ އޭލެވެލްގައި ތައުލީމް ހާސިލްކުރާ 11 ދަރިވަރުންނާއި 5 އޮފިޝަލް ބައިވެރިވާނެއެވެ.
މިދަތުރުގައި އެދަރިވަރުން އިއްޔެ ދަރަވަންދޫގައި ހޭދަކުރުމަށް ފަހު މިއަދު ވަނީ ސޮނޭވާފުށީގައި ދަތުރު ނާމާގެ ޕްރޮޖެކްޓަށް ބޭނުންވާ މައުލޫމާތު އެއްކުރުމަށްފަހު އޭދަފުށީގައެވެ. މާދަމާ މި ކުދިން ބ.އަތޮޅު ތައުލީމީ މަރުކަޒުގެ ދަރިވަރުންނާއެކު ކިޔެވުމުގައި ބައިވެރިވާނެއެވެ.
މި ކުދިން އެނބުރި ހަނިމާދޫއަށް ދިއުމަށް ހަމަޖެހިފައި މާދަމާ މެންދުރުފަހު އެވެ.
