މަސްތުވާތަކެތީގެ މައްސަލައެއްގައި ބ. ކަމަދޫން މީހަކު ހައްޔަރުކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައި ވަނީ ބ. ކަމަދޫ/ ހުވަނދުމާގެ، ޔޫސުފް ޞިދުޤީ (36އ) އެވެ. އޭނާ ހައްޔަރުކޮށްފައި ވަނީ މަސްތުވާތަކެތި ގެންގުޅެ އެ ތަކެތި ބޭނުންކޮށް ވިއްކައި ވިޔަފާރިކުރާކަމުގެ ތުހުމަތުގައި ކަމަދޫ ފުލުހުން ހިންގި އޮޕަރޭޝަންގައެވެ.
މި އޮޕަރޭޝަންގައި ސެޕްޓެމްބަރު 29 ވަނަ ދުވަހު އެ ރަށު މަގުމަތިން އޭނާ ހުއްޓުވި ވަގުތު، އޭނާ ލައިގެންހުރި ޖީންސުގެ ޖީބުގައި އޮތް އެއްޗެއް ނަގައި އެއްލައިލުމުން ފުލުހުން އެ ނަގައި، ބަލައިފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއް ހުރި ހަތަރު ކަރުދާސްކޮޅު ފެނިފައިވެއެވެ.
