ދާދިފަހުން ކައިވެނި ކުރި ބޮލީވުޑްގެ މަޝްހޫރު ދެތަރިން ކަމަށްވާ އާލިޔާ ބަޓް އާއި ރަންބީރު ކަޕޫރަށް އަލަތު ދަރިފުޅު ލިބެން އުޅޭކަން އިއުލާނު ކޮށްފި އެވެ.
އިންސްޓްރަގްރާމް މެދުވެރިކޮށް، އާލިޔާ އަލްޓްރާސައުންޑް ސްކޭނެއް ހަދަން އޮތް ފޮޓޯއެއް ހިއްސާ ކުރަމުން އާލިޔާ ބުނެފައިވަނީ ”އަވަ ބޭބީ.. ކަމިން ސޫން…“އެވެ.
މި ޚަބަރާއެކު، ފިލްމީ ތަރިންނާއި އޭނާގ ފޭނުން އަންނަނީ މަރުހަބާ ކިޔަމުންނެވެ.
އެހެންނަމަވެސް އާލިޔާގެ ކުރިއަށް ހުރި ޕްރޮޖެކްޓް ތަކަށް ދެންވާނެ ގޮތެއް ނޭނގޭތީ އެސުވާލުވެސް އަންނަނީ ކުރެވެމުންނެވެ.
ތިން އަހަރެއްހާ ދުވަހު ރައްޓެހިވެގެން އުޅުމަށް ފަހު އާލިއާ އާއި ރަންބީރު ކައިވެނިކުރީ މިއަހަރުގެ އޭޕްރީލް 14 ގަ އެވެ.
ބޮލިވުޑްގެ ބޮޑު ދެ އާއިލާއަކަށް ނިސްބަތްވާ މި ދެ ތަރިންނަކީވެސް މިހާރު ބޮލީވުޑްގައި އެންމެ ބޮޑަށް ހިނގާ ދެތަރިންނެވެ.
