ބޮލީވުޑްގެ މަޝްހޫރު ތަރި އަނުޝްކާ ޝަރްމާ 29އ. އާއި އިންޑިއަން ކްރިކެޓް ޓީމްގެ ކެޕްޓަން ވިރާޓް ކޯލީގެ ކައިވެނި މި މަހުގެ 12ގައި ކުރަން ހަމަޖެހިފައި އޮތްނަމަވެސް އެކައިވެނި އޮތީ މި މަހުގެ 15ގައި ކަމަށް ފިލްމީ ޚަބަރު ތައް ގެނެސްދޭ ޕިންކްވިލާއިން ބުނެފިއެވެ.
އިޓަލީގެ މިލާން ގައި ކުރަން ހަމަޖެހިފައިވާ މި ކައިވެނީގެ ރަސްމިއްތާތަށް ދެފަރާތުގެ އާއިލާގެ އިތުރުން އަނުޝްކާގެ ފެމިލީއާއި ވިރާތްގެ ގާތް މީހުން ކޮޅެއްވެސް ދުވަސް ކޮޅެއް ކުރިން ވަނީ އިޓަލީއަށް ގޮހެވެ. އެންމެ ފަހުން އިއްޔެ ވިރާޓްއާއި އަނުޝްކާވެސް ވަނީ އިޓަލީއަށް ގޮސްފައެވެ.
އެހެން ނަމަވެސް ވިރާޓު އާއި އަނުޝްކާގެ ތަރުޖަމާނު މި ވާހަކަ ދޮގުކުރެއެވެ.
ރިޕޯތް ތައް ބުނާ ގޮތުގައި ވުރާޓުއާއި އަނުޝްކާގެ ކައިވެނީގެ އެންމެ ފަހުގެ ތައްޔާރީތައް ކުރިއަށް ދާއިރު މިމަހު ސްރީލަންކާ އާއެކު ކުޅުމަށް ހަމަޖެހިފައިވާ ޓެސްޓް ސީރީސްގައިވެސް ބައިވެރި ނުވެ އޭނާ ވަނީ އަމިއްލަ ބޭނުމަކު ކަމަށް ބުނެ ޗުއްޓީ ނަގާފައެވެ.
މި ދެމީހުން ކައިވެންޏާ ހަމައަށް ގޮސްފައި މިވަނީ 4 އަހަރު ރައްޓެހިވެގެން އުޅުމަށް ފަހުއެވެ،.
