ވިނަބޯވެ ވާހެދެމުންދާ އޭދަފުށީ ގަބުރުސްތާނު ވިނަ ނޮޅައި ސާފުކޮށްދޭނެ ބަޔަކު ހޯދުމަށް އޭދަފުށީ ކައުންސިލުން އިޢްލާންކޮށްފިއެވެ.
އޭދަފުށީ ކައުންސިލުން މިކަމަށް އިޢްލާންކުރީ އޭދަފުށި ވޮއިސްގައި ގަބުރުސްތާނުގައި ވިނަބޯވަމުންދާތީ (ފޮޓޯއިން ހަބަރު) ގެނެސްދިންތާ 2 ދުވަސްފަހުން 6 މާރޗް 2017 ވަނަ ދުވަހުއެވެ.
އޭދަފުށީ ކައުންސިލްގެ އިޢްލާންގައިވަނީ ގަބުރުސްތާނު ސާފުކޮށްދިނުމަށް އެދި ޝައުގުވެރިވާ ފަރާތްތަކުން 9 މާރޗް 2017 ދުވަހު މައުލޫމާތު ސާފުކުރުމަށްފަހު އެސްޓިމޭޓް ހުށައަޅަންޖެހޭ ތާރީހަކީ 12 މާރޗް 2017 ވާ އާދީއްތަދުވަހުއެވެ.
ގަބުރުސްތާނުގައި ވާބޯވުމާ ގުޅިގެން މީގެ ކުރިންވެސް މަދުފަހަރަކު މީޑިޔާގެ ސަމާލުކަމަށް އައިސްފައިވެއެވެ.