ތުޅާދޫގެ ފެނާއި ނަރުދަމާ ނިޒާމް ގާއިމް ކުރުމަށް ބޭނުންވާ ހޮޅިތަކާއި، އެކްސްކަވޭޓަރ ފަދަ ސާމާނުތައް އިއްޔެގެ ވަގުތެއްގައި އެރަށަށް ފޮނުވައިފިިއެވެ.
އޮފިޑް ލޯންގެ ދަށުން ފެނާއި ނަރުދަމާ ނިޒާމް ޤާއިމްކުރާ ތުޅާދޫގައި މި މަސައްކަތް ކުރުމަށް ހަވާލު ކޮށްފައިވަނީ މާލޭވޯޓަރ އެންޑް ސްވަރޭޖް ކޮމްޕެނީ، އެމް.ޑަބްލިއު.އެސް.ސީ އާއެވެ.
ތުޅާދޫއާއެކު ފެނާއި ނަރުދަމާގެ މަސައްކަތްކުރުމަށް ބޭނުންވާ ސާމާނު އިތުރު ދެރަށަކަށްވެސް ފޮނުވާފައި ވެއެވެ. އެއީ ނ.ވެލިދޫއާއި ރ. ހުޅުދުއްފާރެވެ.
ޢީދު ބަންދަށްފަހު ތުޅާދޫގައި މި ޕްރޮޖެކްޓްގެ ޢަމަލީ މަސައްކަތް ފެށިގެން ދާނެކަމަށް ކަމަށް އެމް.ޑަބްލިއު.އެސް.ސީ އިން ހާމަކުރެއެވެ.