ރާއްޖޭގެ ޑޮމެސްޓިކް އެއާޕޯޓްތަކުގެ ތެރެއިން އެންމެ ބާރުބޮޑު ޑޮމެސްޓިކް އެއާޕޯޓް، ބ. ދަރަވަންދޫ އެއާޕޯޓު، އައިލެންޑް އޭވިއޭޝަން އާއި ހަވާލުކޮށް އެ އެއާޕޯޓުގެ ޓާމިނަލް އިތުރަށް ތަރައްގީކުރުމުގެ މަޝްރޫއު މިއަދު ފަށައިފި އެވެ.
މި ބަދަލާށއެކު ދެން އެއެއާޕޯޓު ހިންގުމާއި އެއާލައިން ސާވިސް ޚިދުމަތް ދެމުން ގެންދާނީ އައިލެންޑް އޭވިއޭޝަނުންނެވެ.
މިމަޝްރޫއު ރަސްމީކޮށް ފައްޓަވައި ދެއްވީ ދަރަވަންދޫގައި މިއަދު ބޭއްވި ރަސްމިއްޔާތެއްގައި ޓްރާންސްޕޯޓް މިނިސްޓަރު މުހައްމަދު އަމީން އެވެ.
މި މަޝްރޫއުގެ ދަށުން އެރައިވަލް ހޯލް ބޮޑުކުރުމާއި ޗެކިން އަދި އެރައިވަލް ބެލްޓް އިތުރު ކުރުމުގެ އިތުރުން ޑިޕާޗާ ހޯލުގައި ކެފޭއަކާއި ޑިޕާޗާ ގޭޓެއް އިތުރުކުރުން ހިމެނެ އެވެ.
