އޭދަފުށި ހިމެނޭހެން ރާއްޖޭގެ 50ކައުންސިލެއް އިމާރާތް ކުރުމުގެ މަސައްކަތުގެ ފީސިބިލިޓީ ހަދަން ޗައިނާގެ ޓީމެއް ރާއްޖެ އަންނަން ހަމަޖެހިއްޖެ އެވެ.
އެ ގޮތުން ޗައިނާ ސަރުކާރުގެ އެހީގައި އިމާރާތްކުރާ 50 ކައުންސިލް އިދާރާގެ މަސައްކަތުގެ ފީސިބިލިޓީ ހެދުމަށް އެޓީމް މިމަހު އަންނަން ހަމަޖެހިފައިވާ ކަމަށް އާދަމް ޝަރީފު ވިދާޅުވި އެވެ.
ރަށްރަށުގެ ކައުންސިލް އޮފީސް ގާއިމުކުރުމުގެ މަޝްރޫއެއް ފެށުމަށް ނިންމާފައިވާކަން ރައީސް ޑރ. މުހައްމަދު މުއިއްޒު އިއުލާނު ކުރެއްވީ މިދިޔަ އަހަރުގެ ފެބްރުއަރީ މަހު އެވެ.
ކައުންސިލް އިދާރާގެ އިމާރާތްކުރުމުގެ މަޝްރޫއުގައި ރަށް ހިޔާރުކުރާއިރު އެންމެ ބޮޑަށް ހަލާކުވެފައިވާ، އެންމެ ޖާގަ ކުޑަ އަދި އެންމެ ގިނަ ދުވަސްވީ ރަށްތަކަށް އިސްކަން ދެއްވާނެ ކަމަށްވެސް ރައީސް ވިދާޅުވި އެވެ.
ޗައިނާގެ އެހީގައި 50 ރަށެއްގެ ކައުންސިލް އިދާރާ އިމާރާތްކުރާއިރު ސަރުކާރުގެ ހަރަދުގައި 55 ކައުންސިލުގެ މަސައްކަތް ކުރިއަށްދާ ކަމަށް މިނިސްޓަރު ފާހަގަކުރެއްވި އެވެ.
