ފުޅާދާއިރާއެއްގައި ވަގު ޑޮލަރުގެ މުއާމަލާތްތައް ކުރަމުންދިޔަ ދެ މީހަކު ހައްޔަރުކޮށްފި އެވެ.
ފުލުހުން މިއަދު ބުނީ ރޭ ހިންގި އޮޕަރޭޝަނެއްގައި ހުޅުމާލެއިން ހައްޔަރުކުރީ ދެ ދިވެހިން ކަމަށެވެ. އެއީ އުމުރުން 23 އަަހަރުގެ ފިރިހެނަކާއި 24 އަހަރުގެ އަންހެނެކެވެ.
މައްސަލައާ ގުޅިގެން އެ ދެ މީހުންގެ ބަންދަށް ފަސް ދުވަހުގެ މުއްދަތު ކޯޓުން ދީފައިވާއިރު މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
އެކި ގޮތް ގޮތުން މީހުން އަތުން މަކަރާއި ހީލަތުން ފައިސާ ހޯދާ މީހުން އަންނަނީ ވަރަށް ގިނަ ވަމުންނެވެ. އެގޮތުން ކުންފުނިތަކާއި މިނިސްޓްރީތަކުގެ ނަމުގައި ގުޅައި ހީލަތްހަދައިގެން މީހުންގެ އަތުން ފައިސާ ހޯދާ މައްސަލަތައް ހުށަހަޅަމުން އަންނަ ކަމަށް ފުލުހުން ބުނެފައިވެއެވެ.