ސިއްހީ ދާއިރާގައި މަސައްކަތް ކުރާ މުވައްޒަފުނަށް ލަސްނުކޮށް މުސާރަ ޖަމާކޮށްދިނުމަށް ހެލްތު ޕްރޮފެޝަނަލުންގެ ޔޫނިއަނުން ގޮވާލައިފިއެވެ.
މިކަަން އެ ޔޫނިއަންގެ ސަމާލުކަމަށް އައީ އުތުރުގެ ރަށެއްގައި ހުންނަ ހޮސްޕިޓަލެއްގެ މުވައްޒަފަކު ކޮށްފައިވާ ޓުވީޓެއް އާއްމުވުމާއި ގުޅިގެންނެވެ.
އެ ޓުވީޓްގައި ބުނެފައިވަނީ އަދިވެސް މުސާރަ ޖަމާ ނުވާ ކަމަށާއި އެކަމާއި ޒިންމާ ނަންގަވާނީ ކޮންފަރާތެއްތޯ ސުވާލު ކުރައްވާފަ އެވެ. އަދި ސިއްހީ ހިދުމަތް ތެރިންގެ މުސާރަ ދިނުން ލަސްކޮށްގެން ދެމުން ގެންދާ އަނިޔާ ހުއްޓާލުމަށް ގޮވާލާފައިވެއެވެ.
ސިއްހީ ހިދުމަތްދޭ މަރުކަޒުތަކުގެ މުވައްޒަފުންގެ މުސާރަ، ޖަމާވުން ލަސްވުމުގެ ޝަކުވާތައް ޔޫނިއަންއަށް ވަނީ ލިބިފައެވެ. އެގޮތުން ނިމިދިޔަ މަހުގެ މުސާރަ ޖަމާނުވާ މުވައްޒަފުން ތިބިކަން ފާހަގަކުރަމެވެ. މަހުން މަހަށް ލަސްނުކޮށް މުސާރަ ތައް ދިނުމަށް ގޮވާލަމެވެ. @MoFmv @iameeru
— Maldives Health Professionals Union (MHPU) (@MaldivesHPU) October 2, 2021
ހެލްތު ޕްރޮފެޝަނަލުންގެ ޔޫނިއަންގެ ސަމާލުކަމަށް މި ޓުވީޓް އައުމުން ސިއްހީ ހިދުމަތްތެރިންގެ މުސާރަ ލަސްވަމުންދާކަމުގެ ޝަކުވާތައް ލިބެމުންދާކަން ފާހަގަކޮށް މުވައްޒަފުންގެ މުސާރަ ޖަމާކޮށްދިނުމަށް އެދި ގޮވާލާފައިވެއެވެ. އސދިމަހުންމަހަށް ލަސްނުކޮށް މުސާރަ ޖަމާކޮށްދިނުމަށް ގޮވާލާފައިވެއެވެ.
ނ، ރ، ކ، ޏ، ހއ ،ބ، ފ، ދ ގެ ސިއްހީ މަރުކަޒުތަކުގެ މުވައްޒަފުންގެ މުސާރަ މިއަދާ ހަމައަށް ޖަމާނުވާކަން ފާހަގަ ކޮށްލަން. މުވައްޒަފުންގެ މުސާރަތައް ލަސްނުކޮށް އެފަރާތްތަކަށް ދިނުމަށް ގޮވާލަން @iameeru @MoHmv @MoFmv
ނޯޓު: މިވަގުތަށް މައުލޫމާތު ސައްހަ ކުރެވިފައިވާ އަތޮޅުތައް— Maldives Health Professionals Union (MHPU) (@MaldivesHPU) October 3, 2021
އީވީގެ ފަރާތުން ބ.އަތޮޅު ހޮސްޕިޓަލުގައި މަސައްކަތް ކުރާ އަށެއްކަ މުވައްޒަފަކާ ގުޅާލުމުން އެ އެންމެންވެސް މައުލޫމާތު ދިން ގޮތުގައި މިދިޔަ މަހުގެ މުސާރަ އަދި ޖަމާކޮށްފައެއް ނުވެއެވެ.
