އަލަށްއިންތިޚާބު ކުރި އޭދަފުށީ ކައުންސިލުގެ ނައިބު ރައީސަކަށް ޕީޕީއެމްގެ އަލީ ޝަފީގު ހޮވައިފި އެވެ. އަލީ މި މަގާމަށް ހޮވާފައިވަނީ ވޯޓުގައި ބައިވެރިވި އެހެން ކައުންސިލަރުންގެ ފުރިހަމަ އަޣުލަބިއްޔަތާ އެކުގަ އެވެ.
ނައިބު ރައީސަކަމަށް ދެން ވާދަ ކުރެއްވީ މިހާރުވެސް ރަށު ކައުންސިލަރެއްގެ މަގާމު ފުރުއްވަމުން ގެންދަވާ ޒައިދު އަލީއެވެ.
އޭދަފުށީ ކައުންސިލަށް އަލަށް އިންތިޚާބު ވި މެންބަރުންނާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ މެމްބަރުން ހުވާގެ އިގްރާރުގައި ސޮއިކުރުމުގެ ރަސްމިއްޔާތު މިއަދު ހެނދުނު 00؛10 ގައި ވަނީ ބާއްވާ ނިމިފައެވެ. މިރަސްމިއްޔާތު އޮތީ އޭދަފުށީ މަލްޓިޕާޕަސް ބިލްޑިންގގެ ޖަލްސާކުރާ މާލަމުގަ އެވެ.
