ކްލަބް އޭދަފުށީގެ ޖާޒީއެއް ގަނެފިންތަ؟

viber_image_2019-07-10_14-05-35.jpg

”ކްލަބް އޭދަފުށި”ގެ ފަރާތުން އެކްލަބަށް ފައިސާ ހޯދުމުގެ ގޮތުން “ކްލަބް އޭދަފުށި”ގެ ޖާޒީ ވިއްކަން ފަށައިފި އެވެ.

ބ.ފުޓްބޯލް ޗެލެންޖް ކަޕްވެސް އޭދަފުށީގައި ފޯރިއާއެކު ހިނގަމުންދާ މި ދުވަސްވަރު އެކްލަބް ކުޅޭ މި މުބާރާތުގެ މެޗުތަކުގައި ބޭނުން ކުރަން ނިންމާފައިވަނީ މިޖާޒީއެވެ.

އިއްޔެއިން ފެށިގެން ޖާޒީ ވިއްކަން ފެށުމާއެކު އެކަމަށް ބޮޑު ތަރުހީބެއް ލިބެމުން އަންނަކަމަށް އެ ކްލަބްގެ އޮފިޝަލަކު ވިދާޅުވިއެވެ.

އޭނާ ވިދާޅުވީ ކްލަބް އޭދަފުށީގެ ޖާޒީ ވިއްކުމުގެ ބޭނުމަކީ ކްލަބް ބައިވެރިވާ ފުޓްބޯޅަ މުބާރާތްތަކަށް ކްލަބުން ބޮޑު ހަރަދު ތަކެއްވެސް ކުރަން ޖެހޭތީއާއެކު އެކަމަށް ހައްލެއް ހޯދުމުގެ ގޮތުން ކަމުގައެވެ.

“ފުޓްބޯޅަ ކްލަބެއް ހިންގުމަކީ ޚަރަދު ބޮޑު ކަމެއް. އަޅުގަނޑުމެން މި ބަލަނީ މިކަހަލަ ގޮތްގޮތުން ފައިސާ ހޯދައިގެން ޓީމް މެނޭޖް ކުރެވޭތޯ. މި ޖާޒީތައް އާދައިގެ ޖާޒީއަށްވުރެ ފެންވަރު ރަނގަޅުވާނެ. ގަޔަށްވެސް ލުއި ދޮވެލަންވެސް ފަސޭހަވާނެ. ” އޭނާ ވިދާޅުވިއެވެ.

އޭނާ ވިދާޅުވީ އޭދަފުއްޓާ ފުޓްބޯޅައަކީ ގުޅުން ނުކެނޑޭނެ ދެބާރު ކަމަށް ވާތީ މި ރޫހު ރަށުގައި ދެމިއޮންނަން ކޮންމެ ރައްޔިތަކުވެސް ބޭނުން ވާނެ ކަމުގައެވެ. އެހެންވީމާ މިކަމަށް އެހީވުމުގެ ގޮތުން ޖާޒީއެއް ބައްލަވައިގަތުމަކީ އޭދަފުށީގެ ފުޓްބޯޅަ ކުރިއެރުވުމަށް ވެދެވޭ ބޮޑު އެހީއެއްކަމަށް ވެގެންދާނެ ކަމުގައެވެ.

ޖާޒީ ލިބެން ހުންނާނީ ސަލްސާ ރީޓްރީޓުންނެވެ. މީގެ އިތުރުން 9731111 ނުވަތަ 7762922 ނަންބަރު ފޯނާ ގުޅުއްވުމުންވެސް ގަންނަން ލިބޭ ގޮތަށް ވަނީ ހަމަޖެހިފައެވެ.

 

Share this post

PinIt

‎ޚިޔާލު ފާޅުކުރައްވާ

‎އީމެއިލް އެޑްރެސް ޕަބްލިޝްއެއް ނުކުރާނެ. ‎ކޮންމެހެން ފުރަންޖެހޭ ގޮޅިތައް * ޖަހާފައި


scroll to top