ރައީސް އިބްރާހިމް މުހައްމަދު ސޯލިހުގެ ސަރުކާރުގެ ފުރަތަމަ 100 ދުވަހުގެ ތެރޭގައި ކޮންމެ ރަށެއްގައި ސްޕޯޓްސް ކައުންސިލަރެއް ހަމަޖެއްސުމަށް ނިންމައިފިއެވެ.
ކޮންމެ ރަށަކަށް ސްޕޯޓްްސް ކައުންސިލަރެއް ހަމަޖެއްސުމުގެ ބޭނުމަކީ ކުޅިވަރާއި ކަސްރަތަށް އަހުލުވެރިކުރުމަށާއި ރޫފަ ރަނގަޅު މުޖުތަމައެއް ބިނާކުރުމެވެ.
މީގެ އިތުރުން ހުރިހާ ގައުމީ ކުޅިވަރު އެސޯސިއޭޝަނަކަށް މަދުވެގެން 500000ރގެ ބަޖެޓެއް ހަމަޖެއްސުމާއި މުޅި ރާއްޖޭގެ ކުޅިވަރު އޯޑިޓެއް ހެދުމަށް ވެސް ނިންމާފައި ވެއެވެ. ހަމަ އެއާއެކު އަންހެން އަދި ފިރިހެން ގައުމީ ޓީމަށް ދެވޭ އެލަވަންސްގެ ފަރަގު ނައްތާލުމަށް ވެސް ހަމަޖެހިފައިވެއެވެ.
ކުޅިވަރުގެ ދާއިރާއަށް ފުރަތަމަ 100 ދުވަހުގެ ތެރޭގައި ކުރައްވާ ކަންތައްތައް:
ކުޅިވަރާއި ކަސްރަތަށް އަހުލުވެރިކުރުމަށާއި ރޫފަ ރަނގަޅު މުޖުތަމައެއް ބިނާކުރުމަށް ކޮންމެ ރަށެއްގައި ހުނަރު ލިބިފައިވާ ސްޕޯޓްސް ކައުންސިލަރެއް ހަމަޖެއްސޭނެ.
ގައުމީ ހުރިހާ ކުޅިވަރު އެސޯސިއޭޝަނަކަށް މަދުވެގެން 500000ރ ގެ ބަޖެޓެއް ސަރުކާރުން ހަމަޖައްސޭނެ.
މުޅި ރާއްޖޭގެ ކުޅިވަރު އޯޑިޓެއް ހެދޭނެ.
އަންހެން އަދި ފިރިހެން ގައުމީ ޓީމަށް ދެވޭ އެލެވަންސްގައި ހުރި ފަރަގާއި ޤައުމީ ޓީމުތަކަށް ދެވޭ އެލަވަންސްގެ ފަރަގު ނައްތާލެވޭނެ.
މޫދު ކުޅިވަރުގެ ކޮންވެންޝަން ބޭއްވޭނެ.
ދުޅަހެޔޮ ހަށިހެޔޮ އީދު މުޅި ރާއްޖޭގައި ބޭއްވެން ފެށޭނެ.
ކިޔުންތެރިންގެ ޚިޔާލު