ކޮވިޑް ބަލީގައި ރޭ ފަތިހު ރާއްޖެއިން 30 އަހަރުގެ ޒުވާން މަންމައެއް ނިޔާވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ، ހުޅުމާލެ މެޑިކަލް ފެސިލިޓީގައި ފަރުވާ ދެމުންދިޔަ އުމުރުން 30 އަހަރުގެ އަންހެނަކު ރޭ ފަތިހު 4:30 ގައި މަރުވެފައިވާ ކަމަށެވެ.
ކޮވިޑް-19 ޖެހިގެން ރާއްޖެއިން އެންމެ ގިނައިން މަރުވަނީ އުމުރުން ދުވަސްވީ މީހުން ނަމަވެސް، މިއީ އެބަލީގައި ރާއްޖެއިން މަރުވި ފުރަތަމަ ޒުވާން ދިވެހި ޒުވާނާއެވެ.
އީވީއަށް މައުލޫމާތު ލިބިފައިވާ ގޮތުގައި، ރޭ ފަތިހު މަރުވެފައި ވަނީ ދަފްތަރު ނަންބަރު 6256/ އާއިޝަތު މިޒުނާ އެވެ. އަދި އޭނާއަކީ ދެ ކުދިންގެ މަންމައެއް ކަމަށްވެސް މައުލޫމާތު ލިބެއެވެ.
މި މަރާއެކު ރާއްޖެއިން ކޮވިޑް-19ގައި މަރުވި މީހުންގެ އަދަދު ވަނީ 96 އަކަށް އަރައިފައެވެ. އެއީ 85 ދިވެހިންނާއި 11 ބިދޭސީންނެވެ.