މަސްޖިދުއްސުލްޠާން މުޙައްމަދު ތަކުރުފާނުލްއަޢުޒަމުގެ އިމާމުގެ މަގާމަށް ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު، މިއަދު ބ.ކެންދޫ އެއްގަމުގޭ އަލްއުސްތާޒް ނަސްރުﷲ އަލީހަމަޖައްސަވައިފިއެވެ.
އަލްއުސްތާޛު ނަޞްރުﷲ ޢަލީ މި މަގާމަށް އައްޔަން ކުރައްވައިފައިވަނީ މިނިސްޓަރުގެ ނައިބު ފެންވަރުގައެވެ.
ޤުރުއާނާއި، އިސްލާމީ އިލްމު އުނގަންނައިދިނުމުގައި މީގެ ކުރިން ގިނަ އަހަރުތަކެއް ވަންދެން މަސައްކަތް ކުރައްވާފައިވާ، އަލްއުސްތާޒް ނަޞްރުﷲ ޢަލީ އަކީ މިސްރުގެ އަލްއަޒްހަރު ޔުނިވަރސިޓީއިން “ބެޗެލަރ އޮފް އަރޓްސް ޑިގްރީ އިން އިސްލާމިކް ޝަރީޢާ” ހާސިލު ކުރައްވައިފައިވާ ބޭފުޅެކެވެ.
