އަންނަ ރިޔާސީ އިންތިޚާބުގައި ވާދަކުރާ އިދިކޮޅު ކެންޑިޑޭޓް އިބޫ އަށްް ކެމްޕޭން ކުރެއްވުމުގެ ގޮތުން މައުމޫން ރިފޯމް މޫވްމަންޓް (އެމްއާރުއެމް)ގެ ފަރާތުން ބ.އަތޮޅުގެ ރަށްރަށަށް ކުރައްވަމުން ގެންދަވާ ދަތުރުގައި ހިމެނިވަޑައިގަންނަވާ އޭދަފުށްޓަށް އުފަން ދެ ދަރިން ކަމުގައިވާ ޑރ.އަބްދުއްސައްތާރު ޔޫސުފް އާއި އަނީސާ އަހުމަދު ޓީމާއެކު މިއަދު އޭދަފުއްޓަށް ވަޑައިގެންފިއެވެ.
ޑރ.އަބްދުއްސައްތާޔު ޔޫސުފްވަނީ ރައީސް މައުމޫންގެ ސަރުކާރުގައި މިނިސްޓްރީ އޮފް ހެލްތުގެ ނާއިބު ކަމުގެ މަގާމު އަދާ ކުރައްވާފައެވެ. އަނީސާ ވަނީ ރައީސް މައުމޫން ސަރުކާރުގައި ހެލްތް މިނިސްޓަރ ކަމުގެ މަގާމާއި ވިމެންސް މިނިސްޓްރީގެ މަގާމް އަދާ ކުރައްވާފައެވެ.
އެމްއާރްއެމް ގެ ފަރާތުން ބ.އަތޮޅުގައި ހަރަކާތް ތެރިވާ ޓީމްގެ ބޭފުޅަކު ވިދާޅުވީ މި ދަތުރަކީ ކާމިޔާބު ދަތުރެއްކަމާއި ރައީސް މައުމޫނަށް ބ.އަތޮޅުގައި އަދިވެސް ތާއީދު ބޮޑު ކަމުގައެވެ.
އިއްޔެއިން ފެށިގެން ބ.އަތޮޅުގެ ދެކުނު ރަށްރަށުގައި މިޓީމް ކެމްޕޭން ގައި ހަރަކާތް ތެރިވެފައިވާ އިރު މާދަމާ ހެނދުނު މި ޓީމް އޭދަފުށީން ފުރާނެއެވެ.
ކިޔުންތެރިންގެ ޚިޔާލު