މިދިޔަ ޖޫން މަހުގެ ކަރަންޓުބިލުން ފެނަކަ އިން ވެސް 40 އިންސައްތަ ޑިސްކައުންޓު ދޭން ނިންމަވައިފި އެވެ. އެކަމަކު ފެނަކައިން ކަރަންޓު ބިލްތަކުން 40 ޕަސެންޓް ދޭން ނިންމީ ކީއްވެކަމެއް ހާމައެއް ނުކުރެއެވެ.
ފެނަކަ ކޯޕަރޭޝަނުން ކޮށްފައިވާ ޓްވީޓެއްގައި ބުނެފައިވަނީ ޖޫން މަހުގެ ކަރަންޓު ބިިލްތަކުން 40 އިންސައްތަ ޑިސްކައުންޓު ފެނަކަައިގެ ކަސްޓަމަރުންނަށް ވެސް ދިނުމަށް ސަރުކާރުން ނިންމަވައިފި ކަމަށެވެ.
އެ ކުންފުނިން ޑިސްކައުންޓް ދޭން ނިންމިއިރު ޖޫން މަހުގެ ކަރަންޓު ބިލް އާދަޔާ ޚިލާފަށް ބޮޑު ކަމަށް ބުނެ ރައްޔިތުންގެ ކަންބޮޑުވުން އިންތިހާ އަށް ގޮސް ރައްޔިތުންގެ މަޖިލީހުގައި އެކަމާމެދު ބަހުސުކުރަމުން ދަނިކޮށް ސްޓެލްކޯއިން ވަނީ މީގެ ދެދުވަސް ކުރިން އެކުންފުނީގެ ކަރަންޓް ބިލްތަކުން 40 އިންސައްތަ ޑިސްކައުންޓް ދޭން ނިންމާފަ އެވެ.
June mahuge karantu billthakun 40% discount Fenakaige customerunnah ves dhinumah sarukaarun nimmavaifi.
— Fenaka Corporation Ltd (@TeamFenaka) July 4, 2020
ރާއްޖޭގެ އެކި ރަށްރަށުގައި ފެނަކައިން 145 އަށް ވުރެ ގިނަ ބްރާންޗް ތަކުން ހިދުމަތް ދެމުން ދެއެވެ.
