ހަނދާން ނެތިގެން ބީއެމްއެލްގެ އޭޓީއެމް މެޝިން ތެރޭގައި ކާޑު ބާއްވާފައި ދެވޭ މައްސަލައަށް ހައްލު ހޯދައި ދިނުމުގެ ގޮތުން ކާޑު ނެގުމުން ނޫނީ އޭޓީއެމުން ފައިސާ ނުނެގޭ ގޮތަށް ބޭންކް އޮފް މޯލްޑިވްސް (ބީއެމްއެލް) އިން ހަދައިފި އެވެ.
މިހާތަނަށް ބީއެމްއެލްގެ އޭޓީއެމްތަކުން ކާޑު ނެގެނީ މުޅި ޓްރާންސެކްޝަން ފުރިހަމަވެ ފައިސާ އައުމުންނެވެ.
We have made changes to how you use your card at our ATMs for Cash Withdrawals. Taking into consideration customer feedback regarding forgotten and misplaced cards, this change ensures that cash will be dispensed only after the card is removed. pic.twitter.com/gFzGkJFjzV
— Bank of Maldives (@bankofmaldives) June 25, 2020
ކާޑު ބާއްވާފައި ދެވޭ މައްސަލަ ބޭންކްގެ ސަމާލުކަމަށް މީގެކުރިން އެތައް ކަސްޓަމަރުންނެއް ގެނެސްފައިވެއެވެ.
މީގެ ކުރިންވެސް ބީއެމްއެލް އޭޓީއެމް އިން ފައިސާ ނެގުމަށް ކާޑު މެޝިނަށް ލައްވާ، ޕިން ޖެހުމަށްފަހު ކާޑު ނަގާ ގޮތަށް އޮތެވެ. ނަމަވެސް، ފަހުން ގެނައި ބަދަލާއެކު، ކާޑު މެޝިނުން ފައިސާ ނެގެނީ ކާޑު އޭޓީއެމް އިން ނުނަގަ އެވެ. އަދި ކާޑު ނަގަން ޖެހޭނީ ޓްރާންސެކްޝަން ނިންމުމަށްފަހު އެވެ.
ކާޑު ބާއްވާފައި ދެވިއްޖެ ނަމަ، އެ ކާޑު ދެން ފެންނަ މީހަކަށް ކާޑުގެ ޕިން ނަންބަރު ނޭނގުނު ކަމުގައި ވިޔަސް ކާޑުގެ މައުލޫމާތު ބޭނުންކޮށްގެން އޮންލައިން ޓްރާންސެކްޝަންތައް ހެދުން ފަދަ ކަންކަން ކުރަން ފުރުސަތު އޮވެއެވެ.
އެހެންވެ، ގެއްލޭ ކާޑެއް އަލުން ފެނުނު ކަމުގައި ވިޔަސް ރައްކާތެރިކަމަށްޓަކައި ޖެހެނީ ކާޑު އަލުން ހަދާށެވެ.
